சென்னிமலையில் மலை மீதுள்ள அருள்மிகு சுப்பிரமணிய சுவாமி திருக்கோவிலை, கிறிஸ்துவ மலையாக மாற்றுவோம் என்று கூறிய கிறிஸ்தவ முன்னணி அமைப்பினரைக் கைது செய்யக் கோரி, சென்னிமலையில் இன்று கண்டன ஆர்ப்பாட்டம் நடைபெறும் என பாஜக, இந்து முன்னணி சார்பில் அறிவிக்கப்பட்டுள்ளது.
ஈரோடு மாவட்டம், சென்னிமலை முருகன் திருக்கோவில் பிரசித்தி பெற்ற ஸ்தலம். இங்குதான் கந்த சஷ்டி கவசம் முதல் முறையாக அரங்கேற்றப்பட்டது. அவ்வளவு பெருமை வாய்ந்த ஸ்தலம்.
சென்னிமலையில் இருந்து அரச்சலூர் செல்லும் சாலையில் கத்தக்கொடி காடு என்ற பகுதியில், ஜான் பீட்டர் என்பவர் வீடு வாங்கி மத போதகராகக் கிறிஸ்துவ மதப் பிரச்சாரம் செய்து வந்துள்ளார்.
கடந்த 2 வருடங்களுக்கு மேலாக ஜெபக் கூட்டங்கள் நடத்துவதும், ஒலிபெருக்கி மூலம் இந்து தெய்வங்களைச் சாத்தான் என அவமதித்து பேசுவதை வாடிக்கையாகக் கொண்டிருந்தார். இதனைக் கண்டித்து, அப்பகுதி மக்கள் சென்னிமலை காவல் நிலையத்தில் பல முறை புகார் செய்துள்ளனர். ஆனால், நடவடிக்கை இல்லை.
இந்த நிலையில், மாதம் செப்டம்பர் 17 -ம் தேதி அன்று, வெளியூரிலிருந்து மக்களைத் திரட்டி வந்து ஜெபக்கூடம் நடத்தியுள்ளார். அப்போது, ஒலிபெருக்கி மூலம் ஹிந்து தெய்வங்களைச் சாத்தான் எனக்கூறி இழிவுபடுத்தியுள்ளார். இதற்கு அப்பகுதி மக்கள் கடும் எதிர்ப்பு தெரிவித்துள்ளனர்.
கூட்டம் நடந்த பகுதிக்குச் சென்ற பாஜகவினர் மற்றும் ஹிந்து முன்னணி அமைப்பினர் இது குறித்து கேள்வி எழுப்பினர். சென்னிமலையில் மலை மீதுள்ள அருள்மிகு சுப்பிரமணிய சுவாமி திருக்கோவிலை, கிறிஸ்துவ மலையாக மாற்றுவோம் என்று கூறிய கிறிஸ்தவ முன்னணி அமைப்பினர் கூறியதால் இரு தரப்புக்கும் இடையே வாக்கு வாதம் முற்றி ஒருவரை ஒருவர் தாக்கிக் கொண்டனர்.
இந்த நிலையில், கிறிஸ்துவ அமைப்பினர் வலியுறுத்தல் காரணமாகக் கொடுக்கப்பட்ட புகாரின் மீது மட்டும் கைது செய்து காவல்துறை நடவடிக்கை எடுத்துள்ளது. இந்துக்கள் கொடுத்த புகார் மீது நடவடிக்கை எடுக்கவில்லை.
இதனிடையே, சென்னிமலையில் மலை மீதுள்ள அருள்மிகு சுப்பிரமணிய சுவாமி திருக்கோவிலை, கிறிஸ்துவ மலையாக மாற்றுவோம் என்று கூறிய கிறிஸ்தவ முன்னணி அமைப்பினரைக் கைது செய்ய வேண்டும் என சென்னிமலையில் இன்று கண்டன ஆர்ப்பாட்டம் நடைபெறும் என அறிவிக்கப்பட்டுள்ளது. இதனால், அங்கு பலத்த காவல்துறை பாதுகாப்பு போடப்பட்டுள்ளது.
