உலகக்கோப்பைத் தொடரில் நியூசிலாந்து அணி வெற்றி பெற 246 ரன்கள் இலக்கு.
ஒரு நாள் கிரிக்கெட் உலகக் கோப்பைத் தொடரின் 11 வது போட்டி சென்னையில் உள்ள எம்.ஏ சிதம்பரம் மைதானத்தில் நடைபெறுகிறது. இதில் டாஸ் வென்ற நியூசிலாந்து அணியின் தலைவர் வில்லியம்சன் பந்துவீச்சை தேர்வுச் செய்துள்ளார். இதன் படி முதலில் வங்காளதேச அணி பேட்டிங் செய்தது.
வங்கதேச அணியின் தொடக்க வீரர்களாக லிட்டன் தாஸ் மற்றும் தன்சித் ஹசன் ஆகியோர் களமிறங்கினர். இதில் லிட்டன் தாஸ் முதல் ஓவரின் முதல் பந்திலேயே ரன் ஏதும் எடுக்காமல் போல்ட் பந்தில் ஆட்டமிழந்தார்.
தன்சித் ஹசன் 8 வது ஓவரில் 17 பந்துகளுக்கு 16 ரன்களை எடுத்து ஆட்டமிழந்தார். மெஹிடி ஹாசன் 46 பந்துகளில் 30 ரன்களையும் நஜ்முல் ஹொசைன் சாண்டோ 8 பந்துகளுக்கு 7 ரன்களையும் எடுத்து ஆட்டமிழந்தார்.
இந்நிலையில் வங்கதேச அணியின் ஸ்கோர் 54 ஆகா இருந்தது. இந்த சமயத்தில் அணிக்கு நம்பிக்கை அளிக்கும் விதத்தில் ஷகிப் அல் ஹசன் களமிறங்கினார். இவர் 3 பௌண்டரீஸ் மற்றும் 2 சிக்சர்களை அடித்து 51 பந்துகளில் 40 ரன்களை எடுத்து ஆட்டமிழந்தார்.
இவரை தொடர்ந்து அணிக்கு மற்றொரு நம்பிக்கை நட்சத்திரமாக முஷ்பிகுர் ரஹீம் களமிறங்கினார். இவர் 6 பௌண்டரீஸ் மற்றும் 2 சிக்சர்களை அடித்து மொத்தமாக 75 பந்துகளில் 66 ரன்களை எடுத்தார். அப்போது அணியின் ஸ்கோர் 175 ஆகா இருந்தது.
வங்கதேச அணி 200 ரன்களை கடக்குமா என்று பார்த்துக் கொண்டிருந்த நேரத்தில் மஹ்முதுல்லாஹ் களமிறங்கினார். இவருடன் ஸ்ட்ரிக்கில் இருந்த வீரர்களை அடுத்தடுத்து ஆட்டமிழக்க கடைசி வரை ஆட்டமிழக்காமல் 2 பௌண்டரீஸ் மற்றும் 2 சிக்சர்களை அடித்து மொத்தமாக 49 பந்துகளில் 41 ரன்களை அடித்து கடைசி வரை ஆட்டமிழக்காமல் இருந்தார்.
இதனால் 50 ஓவர்கள் முடிவில் வங்கதேசம் அணி 9 விக்கெட்டுகள் இழப்பிற்கு 245 ரன்களை எடுத்துள்ளது. நியூசிலாந்து அணியில் அதிகபட்சமாக லாக்கி பெர்குசன் 3 விக்கெட்களையும், மாட் ஹென்றி மற்றும் டிரெண்ட் போல்ட் தலா 2 விக்கெட்களும் மிட்செல் சான்ட்னர் மற்றும் க்ளென் பிலிப்ஸ் தலா ஒரு விக்கெட்டையும் வீழ்த்தியுள்ளனர்.
இதனால் நியூசிலாந்து அணிக்கு 246 ரன்கள் இலக்காக உள்ளது.
