2026 ஆம் ஆண்டு ஆண்களுக்கான கால்பந்து உலகக்கோப்பை தொடர் நடைபெற உள்ளது. அதற்கான தகுதிச்சுற்றின் நேற்று நடைபெற்றப் போட்டியில் 3-0 என்ற கோல் கணக்கில் கத்தார் அணி வெற்றி பெற்றது.
2026 ஆம் ஆண்டு ஆண்களுக்கான கால்பந்து உலகக்கோப்பை தொடர் நடைபெற உள்ளது. அதற்கான ஆசிய மண்டல தகுதி சுற்றின் 2 வது சுற்றில் 36 அணிகள் பங்கேற்றுள்ளன.
36 அணிகளும் 9 பிரிவுகளாக பிரிக்கப்பட்டு தங்களுக்குள் தலா 2 முறை லீக் போட்டியில் விளையாடவுள்ளன. இதன் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் 3 வது சுற்றுக்கு முன்னேறும்.
இந்தியா ‘ஏ’ பிரிவில் கத்தார், குவைத் மற்றும் ஆப்கானிஸ்தான் அணிகளுடன் இடம்பெற்றுள்ளது. இந்நிலையில் நேற்று நடைபெற்ற இந்திய அணிக்கான இரண்டாவது போட்டியில், இந்தியா பலம் வாய்ந்த கத்தார் அணியுடன் விளையாடியது.
இந்த ஆட்டத்தின் 4வது நிமிடத்தில் இந்திய அணி வீரர்கள் செய்த தவறு காரணமாக கத்தார் அணியின் மாஷல் முதல் கோலை அடித்து அசத்தினார்.
இதனைத் தொடர்ந்து கத்தார் அணி ஆக்ரோஷமான ஆட்டத்தை வெளிப்படுத்த, இந்திய அணி வீரர்கள் டிபென்ஸ் மனநிலைக்கு தள்ளப்பட்டனர்.
தொடர்ந்து நடைபெற்ற முதல் பாதி ஆட்டத்தில் இந்திய அணி வீரர்களால் எந்த கோலும் அடிக்க முடியவில்லை. இதனால் 1-0 என்ற கணக்கில் முதல் பாதி முடிவில் கத்தார் முன்னிலை பெற்றது.
பின்னர் தொடங்கிய இரண்டாம் பாதி ஆட்டத்தின் 2வது நிமிடத்திலேயே கத்தார் அணியின் அலி 2வது கோலை அடிக்க, அந்த அணி 2-0 என்ற கோல் கணக்கில் முன்னிலை பெற்றது.
இதன்பின் இரண்டாம் பாதி ஆட்டத்தில் இந்திய அணி வீரர்கள் கோல் அடிக்க தீவிரமாக முயற்சித்து வந்தனர். ஆனால் எவ்வளவு முயன்றும் இந்திய அணியால் கோல் அடிக்க முடியவில்லை.
86வது நிமிடத்தில் மீண்டும் கத்தார் அணியின் யூசுப் மீண்டும் கோல் அடிக்க, கத்தார் அணி 3-0 என்ற கணக்கில் முன்னிலை பெற்றது.
இறுதியாக ஆட்ட நேர முடிவில் கத்தார் அணி 3-0 என்ற கோல் கணக்கில் இந்திய அணியை வீழ்த்தியது. ஏற்கனவே ஆப்கானிஸ்தான் அணியை கத்தார் அணி வீழ்த்திய நிலையில், தற்போது இந்திய அணியையும் வீழ்த்தியுள்ளது.
இதன் மூலமாக குரூப் பிரிவில் கத்தார் அணி முதலிடத்திற்கு முன்னேறியுள்ளது. இந்தியா 3 ஆம் இடத்தில் உள்ளது.
