அர்ஜென்டினாவின் கால்பந்து வீரர் மெஸ்ஸி அணியிருந்த 6 ஜெர்சிகள் 7.8 மில்லியன் டாலருக்கு விற்பனையாகி சாதனை படைத்துள்ளது.
2022 ஆம் ஆண்டு உலகக்கோப்பை கால்பந்து தொடர் கத்தாரில் நடைபெற்றது. இந்த தொடரில் மெஸ்ஸி தலைமையிலான அர்ஜென்டினா அணி 3-வது உலகக்கோப்பையை வென்றது.
35 ஆண்டுகளுக்கு பிறகு அர்ஜென்டினா நாட்டிற்காக கால்பந்து உலகக்கோப்பையை வென்று தந்த பெருமையும் மெஸ்ஸி சாரும். அதுமட்டுமின்றி இந்த உலகக்கோப்பை தொடரில் மெஸ்ஸி நான்கு ஆட்ட நாயகன் விருதுகளையும் வென்று அசத்தியுள்ளார்.
இந்நிலையில் இந்த உலகக்கோப்பை தொடரின்போது மெஸ்ஸி அணிந்திருந்த அர்ஜென்டினா அணியின் 6 ஜெர்சிகள் நியூயார்க்கில் ஏலம் விடப்பட்டது. இந்த ஏலத்தில் அந்த 6 ஜெர்சிகளும் 7.8 மில்லியன் டாலருக்கு விற்பனையாகி சாதனை படைத்துள்ளது.
இது இந்திய மதிப்பில் ரூ.65 கோடி ஆகும். ஒரு வீரருக்கு சொந்தமான ஒரு பொருள் அதிக விலைக்கு விற்பனையானது இதுவே முதல் முறை என ஏலத்தை நடத்திய நிறுவனம் தெரிவித்துள்ளது.
அந்த 6 ஜெர்சிகளில் உலகக்கோப்பை இறுதி ஆட்டத்தில் மெஸ்ஸி அணிந்திருந்த ஜெர்சியும் இடம்பெற்று இருந்ததால் இவ்வளவு பெரிய தொகைக்கு அவை விற்பனையாகி உள்ளதாக ஏலத்தை நடத்திய நிறுவனம் தரப்பில் தெரிவிக்கப்பட்டுள்ளது.
