6வது கேலோ இந்தியா விளையாட்டு போட்டிகான லோகோ, சின்னம் வெளியீடு நிகழ்ச்சி நேற்று சென்னையில் நடைபெற்றது.
6வது கேலோ இந்தியா விளையாட்டு போட்டிகள் ஜனவரி 19 ஆம் தேதி தொடங்கி 31ஆம் தேதி வரை நடைபெறவுள்ளது.
முதல் முறையாகத் தமிழகத்தில் நடைபெறும் கேலோ இந்தியா விளையாட்டுப் போட்டியின் லோகோ வெளியீட்டு நிகழ்ச்சி, சென்னை கலைவாணர் அரங்கில் நடைபெற்றது.
இந்த அதிகாரப்பூர்வ லோகோ, உடை, சின்னம், சுடர், கருப்பொருள் பாடல் ஆகியவை வெளியிடப்பட்டது.
இந்தியா இளைஞர் விளையாட்டுப் போட்டிக்கான, வேலுநாச்சியாரின் ‘வீரமங்கை’ சின்னத்தையும், ஜெர்சியையும் மத்திய மந்திரி அனுராக் தாக்குர் அறிமுகம் செய்து வைத்தார். கேலோ இந்தியா 2023 ஆம் ஆண்டுக்கான ‘தீம்’ பாடலும் வெளியிடப்பட்டது.
கேலோ இந்தியா இளைஞர் விளையாட்டு போட்டிக்கான, திருவள்ளூவர் லோகோ-வை அமைச்சர் உதயநிதி ஸ்டாலின் அறிமுகம் செய்தார்.
இதில், செஸ் கிராண்ட் மாஸ்டர் விஸ்வநாதன் ஆனந்த், டோக்கியோ ஒலிம்பிக் வாள்வீச்சு வீராங்கனை பவானி தேவி, பேட்மிண்டன் வீராங்கனை ஜோஷ்னா சின்னப்பா, ஹாக்கி ஆசியக் கோப்பையில் வெண்கலப் பதக்கம் வென்ற எஸ்.மாரீஸ்வரன் உள்ளிட்ட புகழ்பெற்ற விளையாட்டு வீரர்கள் சிறப்பு விருந்தினர்களாக கலந்து கொண்டனர்.
இந்த போட்டிகள் சென்னை, மதுரை, திருச்சி மற்றும் கோவை ஆகிய 4 நகரங்களில், நடைபெறவுள்ளது.
