“அடிச்சி கேட்டாலும் சொல்லிடாதீங்க ” , ” உனக்கு வந்த ரத்தம், எனக்கு வந்த தக்காளி சட்டினி ” போன்ற காமெடி மூலம் பிரபலமான ‘போண்டா மணி’ உடல் னால குறைவால் காலமானார்.
தமிழ் திரையுலகில் காமெடி நடிகராக வளம் வந்தவர் போண்டா மணி. இலங்கையை பூர்விகமாகக் கொண்ட 1991 ஆம் ஆண்டு வெளியான ‘பவுனு பவுனுதான்’ என்ற பாக்யராஜ் படத்தின் மூலம் தமிழ்த் திரையுலகிற்கு அறிமுகமானார்.
அதைத்தொடர்ந்து சிறிய கதாபாத்திரம் தொடங்கி காமெடி நடிகராக பல்வேறு கதாபாத்திரங்களில் நடித்து புகழ் பெற்றார். குறிப்பாக ‘சுந்தரா டிராவல்ஸ்’, ‘மருதமலை’, ‘வின்னர்’, ‘வேலாயுதம்’, ‘ஜில்லா’ உள்ளிட்ட படங்களில் நடித்து ரசிக்கர்களிடம் கவனம் பெற்றார்.
இவரின் பல்வேறு நகைச்சுவை காட்சிகள் நல்ல வரவேற்பை பெற்றன. அதிலும், ” அடிச்சி கேட்டாலும் சொல்லிடாதீங்க”, “உனக்கு வந்த ரத்தம், எனக்கு வந்த தக்காளி சட்டினி” என்ற வசனம் இன்றளவும் பேசப்பட்டு வருகிறது.
இந்நிலையில் இவர் கடந்த ஆண்டு சிறுநீரக பிரச்சினை காரணமாக மருத்துவமனையில் அனுமதிக்கப்பட்டு சிகிச்சை பெற்று வந்தார். இரண்டு சிறுநீரகங்களும் செயலிழந்தால், மாதம் ஒருமுறை மருத்துவமனை சென்று டயாலிசிஸ் செய்து வந்துள்ளார்.
இந்த நிலையில், நேற்று இரவு 11.30 மணியளவில் பல்லாவரம் அருகே உள்ள பொழிச்சலூரில் உள்ள தனது வீட்டில் நடிகர் போண்டா மணி திடீரென மயங்கி விழுந்துள்ளார். அவரை அவரது உறவினர்கள் அருகே உள்ள அரசு மருத்துவமனைக்கு ஆம்புலன்ஸ் மூலம் அழைத்துச் சென்றுள்ளனர்.
அவரை பரிசோதித்த மருத்துவர்கள் அவர் ஏற்கெனவே இறந்துவிட்டதாக தெரிவித்துள்ளனர். போண்டா மணியின் மறைவுக்கு சமூக வலைதளங்களில் பிரபலங்கள், ரசிகர்கள் பலரும் இரங்கல் தெரிவித்து வருகின்றனர்.
