இந்தியாவில் நடைபெற்று வரும் புரோ கபடி தொடரில் நேற்று நடைபெற்ற இரண்டு போட்டிகளில் புனேரி பல்டன் மற்றும் ஹரியானா ஸ்டீலர்ஸ் ஆகிய அணிகள் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இதில் நேற்று மும்பையில் நடைபெற்ற முதல் போட்டியில் தமிழ் தலைவாஸ் மற்றும் புனேரி பல்டன் அணிகள் விளையாடின. விறுவிறுப்பாக நடைபெற்ற இந்தப் போட்டியில் புனேரி பல்டன் அணி 29-26 என்ற புள்ளி கணக்கில் வெற்றி பெற்றது.
இந்த வெற்றியில் மூலம் புனேரி பல்டன் அணி முதல் இடத்தில் உள்ளது. தமிழ் தலைவாஸ் அணி 11வது இடத்தில உள்ளது. இதை தொடர்ந்து நடைபெற்ற மற்றொரு போட்டியில் ஹரியானா ஸ்டீலர்ஸ் மற்றும் பெங்கால் வாரியர்ஸ் அணிகள் விளையாடின.
இந்தப் போட்டியில் ஹரியானா ஸ்டீலர்ஸ் அணி 41-35 என்ற புள்ளி கணக்கில் வெற்றிபெற்றது. இந்த வெற்றியில் மூலம் ஹரியானா ஸ்டீலர்ஸ் அணி 6 வது இடத்திலும், பெங்கால் வாரியர்ஸ் அணி 9 வது இடத்தில் உள்ளது.
