19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் தென் ஆப்பிரிக்காவில் இன்று தொடங்குகிறது.
19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் இன்று தொடங்குகிறது. இந்த தொடர் பிப்ரவரி 11 ஆம் தேதி வரை நடைபெறவுள்ளது.
இந்த தொடரில் மொத்தமாக 16 அணிகள் கலந்துகொள்ள உள்ளனர். இந்த தொடர் முதலில் இலங்கையில் நடைபெறுவதாக இருந்தது.
ஆனால் இலங்கை கிரிக்கெட் வாரியத்தை ஐசிசி இடைநீக்கம் செய்ததனால் இந்த தொடர் தென் ஆப்பிரிக்காவில் நடைபெற உள்ளது.
இந்த தொடரில் கலந்து கொள்ளும் 16 அணிகள் 4 பிரிவாக பிரிக்கப்பட்டுள்ளன. அதில் குரூப் ஏ-வில் நடப்புச் சாம்பியன் இந்தியா, அமெரிக்கா, அயர்லாந்து, வங்காளதேசம் அணிகள் இடம்பெற்றுள்ளது.
குரூப் பி-யில் இங்கிலாந்து, தென் ஆப்பிரிக்கா, வெஸ்ட் இண்டீஸ், ஸ்காட்லாந்து அணிகளும், குரூப் சி-யில் ஆஸ்திரேலியா, இலங்கை, ஜிம்பாப்வே, நமீபியா அணிகளும், குரூப் டி-யில் ஆப்கானிஸ்தான், பாகிஸ்தான், நியூசிலாந்து, நேபாளம் அணிகளும் இடம் பெற்றுள்ளன.
தொடக்க நாளான இன்று மொத்தமாக இரண்டு போட்டிகள் நடைபெறவுள்ளன. அதில் அமெரிக்கா – அயர்லாந்து அணிகள் விளையாடும் போட்டி தென் ஆப்பிரிக்காவில் மங்காங் ஓவல் மைதானத்தில் நடைபெறவுள்ளது.
தென் ஆப்பிரிக்கா – மேற்கிந்தியத் தீவுகள் அணிகள் விளையாடும் போட்டி தென் ஆப்பிரிக்காவில் சென்வெஸ் பூங்கா மைதானத்தில் நடைபெறவுள்ளது. இந்த இரண்டு போட்டிகளும் இந்தியா நேரப்படி மத்திய 1:30 மணியளவில் தொடங்கியுள்ளது.
இந்த உலகக்கோப்பையை இதுவரை இந்தியா அதிகபட்சமாக 5 முறை வென்றுள்ளது. ஆஸ்திரேலியா 3 முறையும், பாகிஸ்தான் 2 முறையும், இங்கிலாந்து, தென் ஆப்பிரிக்கா, மேற்கிந்தியத் தீவுகள், வங்காளதேசம் தலா 1 முறையும் வென்றுள்ளன.
