இயக்குனர் ஐஸ்வர்யா ரஜினிகாந்த் ‘லால் சலாம்’ திரைப்படம் வெளியானதைத் தொடர்ந்து திருவண்ணாமலை அண்ணாமலையார் கோவிலுக்கு சென்று சுவாமி தரிசனம் செய்துள்ளார்.
கிரிக்கெட்டை மையமாக வைத்து, இயக்குநர் ஐஸ்வர்யா ரஜினிகாந்த் இயக்கத்தில் உருவாகியுள்ள திரைப்படம் ‘லால் சலாம்’. இந்த திரைப்படத்தில் விக்ராந்த், விஷ்ணு விஷால் ஆகியோர் முக்கிய கதாபாத்திரங்களில் நடித்துள்ளனர்.
இந்த படத்தில் சிறப்புத் தோற்றத்தில் சூப்பர் ஸ்டார் ரஜினிகாந்த் மற்றும் முன்னாள் கிரிக்கெட் வீரர் கபில்தேவ் ஆகியோர் நடித்துள்ளனர்.
லைகா நிறுவனம் தயாரித்துள்ள இந்த படத்துக்கு இசையமைப்பாளர் ஏ.ஆர்.ரகுமான் இசையமைத்துள்ளார். விஷ்ணு ரங்கசாமி ஒளிப்பதிவு செய்துள்ளார்.
தமிழ், ஹிந்தி உள்ளிட்ட 5 மொழிகளில் உருவாகியுள்ள இப்படம் கடந்த 9 ஆமா தேதி திரையரங்குகளில் வெளியாகி நல்ல வரவேற்பு பெற்றது.
இந்த நிலையில் இயக்குனர் ஐஸ்வர்யா ரஜினிகாந்த் ‘லால் சலாம்’ திரைப்படம் வெளியானதைத் தொடர்ந்து திருவண்ணாமலை அண்ணாமலையார் கோவிலுக்கு சென்று சுவாமி தரிசனம் செய்துள்ளார்.
அண்ணாமலையார் திருக்கோவிலில் உள்ள சம்பந்த விநாயகர் சன்னதி, அண்ணாமலையார் சன்னதி, உண்ணாமுலையம்மன் சன்னதி, நவகிரக சன்னதி உள்ளிட்ட பல்வேறு சன்னதிகளில் ஐஸ்வர்யா ரஜினிகாந்த் சாமி தரிசனம் மேற்கொண்டார்.
