கூட்டுறவுத் துறையில் உலகின் மிகப்பெரிய தானிய சேமிப்புத் திட்டத்தை பிரதமர் மோடி தொடங்கி வைத்தார்.
நாட்டின் கூட்டுறவுத் துறையை வலுப்படுத்தும் வகையில் மத்திய அரசு பல்வேறு நடவடிக்கைகளை எடுத்து வருகிறது. அதன் ஒரு பகுதியாக டெல்லியில் நடைபெற்ற நிகழ்ச்சியில் பிரதமர் நரேந்திர மோடி, கூட்டுறவு துறை தொடர்பான பல்வேறு திட்டங்களை தொடங்கி வைத்தார்.
11 மாநிலங்களின் 11 முதன்மை வேளாண்மைக் கடன் சங்கங்களில் (பிஏசிஎஸ்) செய்யப்படும் ‘கூட்டுறவுத் துறையில் உலகின் மிகப்பெரிய தானிய சேமிப்புத் திட்டம்’ என்ற முன்னோடித் திட்டத்தைப் பிரதமர் தொடங்கி வைத்தார். நாடு முழுவதும் உள்ள 18,000 பிஏசிஎஸ்களில் கணினிமயமாக்கலுக்கான திட்டத்தை பிரதமர் தொடங்கி வைத்தார்.
இந்த முயற்சியானது நபார்டு மற்றும் தேசிய கூட்டுறவு மேம்பாட்டுக் கழகம் (NCDC) தலைமையிலான கூட்டு முயற்சியுடன், உணவு தானிய விநியோகச் சங்கிலியுடன் PACS குடோன்களை தடையின்றி ஒருங்கிணைப்பதை நோக்கமாகக் கொண்டுள்ளது. இந்த முன்முயற்சியானது, விவசாய உள்கட்டமைப்பு நிதி (AIF), வேளாண்மை சந்தைப்படுத்தல் உள்கட்டமைப்பு (AMI) போன்ற பல்வேறு திட்டங்களை ஒருங்கிணைப்பதன் மூலம் செயல்படுத்தப்படுகிறது.
2,500 கோடிக்கும் அதிகமான நிதி ஒதுக்கீட்டில் இந்த திட்டம் அங்கீகரிக்கப்பட்டுள்ளது. இந்த முயற்சியானது அனைத்து செயல்பாட்டு PACS களையும் ஒரு ஒருங்கிணைந்த நிறுவன வள திட்டமிடல் (ERP) அடிப்படையிலான தேசிய மென்பொருளுக்கு மாற்றுவதை உள்ளடக்கியது. இது தடையற்ற ஒருங்கிணைப்பு மற்றும் இணைப்பை உறுதி செய்கிறது.
மாநில கூட்டுறவு வங்கிகள் மற்றும் மாவட்ட மத்திய கூட்டுறவு வங்கிகள் மூலம் இந்த PACS ஐ NABARD உடன் இணைப்பதன் மூலம், PACS இன் செயல்பாட்டு திறன் மற்றும் நிர்வாகத்தை மேம்படுத்துவதை நோக்கமாகக் கொண்டுள்ளது. இதனால் கோடிக்கணக்கான சிறு மற்றும் குறு விவசாயிகள் பயனடைகின்றனர்.
நபார்டு வங்கி இந்த திட்டத்திற்காக தேசிய அளவிலான பொதுவான மென்பொருளை உருவாக்கியுள்ளது, இது நாடு முழுவதும் உள்ள PACS இன் பல்வேறு தேவைகளை பூர்த்தி செய்யும் வகையில் வடிவமைக்கப்பட்டுள்ளது குறிப்பிடத்தக்கது. இந்நிகழ்ச்சியில் உள்துறை அமைச்சர் அமித் ஷா உள்ளிட்டோர் பங்கேற்றனர்.
