ராகுல் காந்திக்கு மத்திய உள்துறை அமைச்சர் அமித் ஷா கேள்வி

காங்கிரஸ் எம்.பி. ராகுல் காந்திக்கு மத்திய உள்துறை அமைச்சர் அமித் ஷா 5 கேள்விகளை எழுப்பியுள்ளார்.

உத்தர பிரதேச மாநிலம் ரேபரேலியில் தேர்தல் பிரசாரத்தில் ஈடுபட்ட அமித் ஷா, முத்தலாக் தடைச் சட்டத்தை திரும்பக் கொண்டுவர நீங்கள் விரும்புகிறீர்களா என ராகுல் காந்திக்கு கேள்வி எழுப்பினார்.

தொடர்ந்து, இஸ்லாமியர் தனிநபர் சட்ட மசோதாவில் காங்கிரஸின் நிலைப்பாடு என்ன என்றும், பாகிஸ்தானில் நடத்திய துல்லிய தாக்குதலை காங்கிரஸ் ஆதரிக்கிறதா, இல்லையா என்றும் உள்துறை அமைச்சர் அமித் ஷா  கேள்வி எழுப்பினார்.

இதேபோல, ராமர் கோயிலுக்கு தரிசனம் செய்ய ராகுல் காந்தி செல்லாதது ஏன் என கேட்ட அமித் ஷா, ஜம்மு-காஷ்மீருக்கு சிறப்பு அந்தஸ்து வழங்கிய அரசியலமைப்புச் சட்டப் பிரிவு 370-ஐ ரத்து செய்ததை நீங்கள் ஆதரிக்கிறீர்களா, இல்லையா என்பதை நாட்டு மக்களுக்குத் தெரிவிக்க வேண்டும் என்றும் அமித் ஷா கேள்வி எழுப்பியுள்ளார்.