ஓய்வுபெறும் தருவாயில் உள்ள ஊழியரை சஸ்பெண்ட் செய்ய முடியாது என உயர்நீதிமன்ற மதுரைக் கிளை உத்தரவிட்டுள்ளது.
சிவகங்கை மாவட்டத்தில் பள்ளிக் கல்வித்துறை ஊழியர் ஒருவர் தனது தாயார் அரசுப் பணியில் இருந்ததை மறைத்து கருணை அடிப்படையில் அரசு பணி பெற்றதாக கூறி, கடந்த 2022-ம் ஆண்டு ஓய்வு பெறும் நாளன்று சஸ்பெண்ட் செய்யப்பட்டார்.
இதனை எதிர்த்து அவர் உயர்நீதிமன்ற மதுரை கிளையில் மனுத் தாக்கல் செய்திருந்தார். இதனை விசாரித்த உயர்நீதிமன்ற மதுரைக் கிளை, அரசின் ஓய்வூதிய ஆணையே முறையற்றதாக இருப்பதாக கூறி, மனுதாரருக்கு பணி ஓய்வுக்கான அனைத்து இறுதிப் பலன்களை வழங்கவும் அதிகாரிகளுக்கு உத்தரவிட்டது.
