திருச்சி சர்வதேச விமான நிலையத்தில் சுமார் 951 கோடி ரூபாய் மதிப்பில் கட்டப்பட்ட புதிய முனையம் இன்று முதல் பொதுமக்கள் பயன்பாட்டுக்கு வந்துள்ளது.
இந்த புதிய முனையத்தை பிரதமர் மோடி கடந்த ஜனவரி 2-ம் தேதி திறந்து வைத்தார். பணிகள் 100 சதவீதம் நிறைவு பெற்றதைத் தொடர்ந்து, இன்று முதல் இம்முனையம் பயன்பாட்டுக்கு வந்துள்ளது. சென்னையில் இருந்து புறப்பட்ட இண்டிகோ விமானம் புதிய முனையத்திற்கு வந்தடைந்த நிலையில், அதிகாரிகள் தண்ணீரைப் பீய்ச்சி அடித்து விமானத்திற்கு வரவேற்பு அளித்தனர்.
