இண்டியா கூட்டணியின் மோசமான அரசியலை அம்பலப்படுத்தும் வகையில், உண்மையை நகைச்சுவை கலந்து பேசியுள்ளதாக பாஜக எம்பி அனுராக் தாக்கூருக்கு பிரதமர் மோடி பாராட்டு தெரிவித்துள்ளார்.
மக்களவை எதிர்க்கட்சித் தலைவர் ராகுல் காந்தி அரசு மீது முன்வைத்த குற்றச்சாட்டுகளுக்கு பதிலளித்த பாஜக எம்பி அனுராக் தாக்கூர், போஃபர்ஸ், நேஷனல் ஹெரால்டு, 2-ஜி உள்ளிட்ட பல்வேறு ஊழல் வழக்குகளை குறிப்பிட்டு பேசினார்.
மேலும், சாதிவாரி கணக்கெடுப்பு தொடர்பாகவும், ராகுல்காந்திக்கு அனுராக் தாக்கூர் பதிலளித்தார். அனுராக் தாக்கூரின் இந்த பேச்சை பாராட்டியுள்ள பிரதமர் மோடி, இண்டியா கூட்டணியின் மோசமான அரசியலை அம்பலப்படுத்தும் வகையில், உண்மையை நகைச்சுவை கலந்து பேசியுள்ளதாக கூறியுள்ளார்.
இளம் எம்பியான அனுராக் தாக்கூரின் இந்த பேச்சை அனைவரும் கண்டிப்பாக கேட்க வேண்டும் என்றும் பிரதமர் மோடி குறிப்பிட்டுள்ளார்.
