அதிமுக பொதுச்செயலாளர் எடப்பாடி பழனிசாமிக்கு எதிரான அவதூறு வழக்கை செப்டம்பர் 19-ம் தேதிக்கு ஒத்திவைத்து சிறப்பு நீதிமன்றம் உத்தரவிட்டது.
கடந்த ஏப்ரல் 15-ம் தேதி சென்னை புரசைவாக்கத்தில் நடந்த நாடாளுமன்ற தேர்தல் பிரச்சாரக் பொதுக் கூட்டத்தில் எடப்பாடி பழனிசாமி பங்கேற்று பேசினார். அப்போது தயாநிதி மாறன், எம்.பி தொகுதி மேம்பாட்டு நிதியிலிருந்து 75 சதவீத தொகையை செலவு செய்யவில்லை என குற்றம்சாட்டினார்.
இதையடுத்து முன்னாள் முதல்வரும், அதிமுக பொதுச் செயலாளரான எடப்பாடி பழனிசாமிக்கு எதிராக தயாநிதி மாறன் குற்றவியல் அவதூறு வழக்கு தொடர்ந்தார். இந்நிலையில் திமுக எம்.பி. தயாநிதி மாறன் தொடர்ந்த அவதூறு வழக்கு விசாரணைக்காக சென்னை சிறப்பு நீதிமன்றத்தில் எடப்பாடி பழனிசாமி நேரில் ஆஜரானார். அப்போது வழக்கை செப்டம்பர் 19-ம் தேதிக்கு நீதிமன்றம் ஒத்திவைத்தது.
