இலங்கை கடற்படையால் கைது செய்யப்பட்ட தூத்துக்குடி மீனவர்களுக்கு 3 கோடியே 50 லட்சம் ரூபாய் அபராதம் விதிக்கப்பட்டதை கண்டித்து மீனவர்கள் போராட்டத்தில் ஈடுபட்டனர்.
தூத்துக்குடி துறைமுகத்தில் இருந்து வழக்கம்போல் கடந்த மாதம் 5ஆம் தேதி ஏராளமான மீனவர்கள் விசைப்படகுகளில் மீன்பிடிக்கக் கடலுக்குச் சென்றனர்.
அப்போது எல்லை தாண்டி மீன் பிடித்ததாக கூறி, 22 மீனவர்களை இலங்கை கடற்படையினர் கைதுசெய்து சிறையில் அடைத்தனர். இதுதொடர்பான வழக்கு நீதிமன்றத்தில் விசாரணைக்கு வந்தது.
அப்போது வாதங்களை கேட்டறிந்த நீதிபதி, 10 மீனவர்களுக்கு தலா 35 லட்சம் ரூபாய் வீதம் மொத்தம் மூன்று கோடியே 50 லட்சம் ரூபாய் அபராதம் விதித்தார். இந்த தீர்ப்பை ஏற்க மறுத்த மீனவர்கள் 10 பேரும் நீதிமன்ற வாயிலில் அமர்ந்து போராட்டம் நடத்தினர். இதனை அடுத்து அங்கு வந்த போலீசார் அவர்களை எச்சரித்து சிறைச்சாலையில் அடைத்தனர்.
