உங்கள் வருகைக்காக இரு கரங்களையும் விரித்தபடி, இதய வாசலைத் திறந்து வைத்து காத்திருப்பேன் என தவெக தலைவர் விஜய் தனது தொண்டர்களுக்கு கடிதம் எழுதியுள்ளார்.
தவெக முதல் மாநில மாநாட்டையொட்டி, நடிகரும், அக்கட்சியின் தலைவருமான விஜய் தொண்டர்களுக்கு 3-வது முறையாக கடிதம் எழுதியுள்ளார்.
அதில், தவெக முதல் மாநாடு நிகழப் போகும் தருணம், நம் மனம் மற்றும் கள வளாகத்திற்கு வெகு அருகில் வந்துவிட்டது என தெரிவித்துள்ளார்.
ஒவ்வொருவரையும் நேரில் சந்திக்கப் போகும் கணங்கள், நம்மிடையே இருக்கும் அன்பின் கனத்தை இன்னும் பலமடங்கு கூட்டப் போவதால், அதை வார்த்தைகளில் சொல்வதென்று தெரியவில்லை என கூறியுள்ளார்.
உங்கள் வருகைக்காக வி.சாலை எல்லையில், இரு கரங்களையும் விரித்தபடி, இதய வாசலைத் திறந்து வைத்துக் காத்திருப்பேன் என தெரிவித்துள்ளார்.
நம் தமிழ்நாட்டு மண்ணுக்கான வெற்றிக் கொள்கைகளைச் செயல்படுத்த உறுதிபூண்டு முழங்குவோம் என்றும், வரும் 2026 என்ற இலக்கை நோக்கி, வி.சாலை என்னும் வியூகச் சாலையில் முதல் அடியை எடுத்து வைப்போம் என்றும் கூறியுள்ளார்.
