திருச்சியில் அரசு மருத்துவர் மீது திமுகவைச் சேர்ந்த 10 பேர் கொண்ட கும்பல் தாக்குதல் நடத்திய சம்பவம் அதிர்ச்சியை ஏற்படுத்தியுள்ளது.
திருச்சி மிளகுப்பாறையில் உள்ள இஎஸ்ஐ அரசு மருத்துவமனையில் கார்த்திகேயன் என்பவர் மருத்துவராக பணியாற்றி வருகிறார். இவர் தனது காரை இன்டிகேட்டர் போடமல் திருப்பியுள்ளார்.
அப்போது, மற்றொரு காரில் வந்த திமுகவை சேர்ந்த பிரவீன் மற்றும் அவரது குடும்பத்தினரும் மருத்துவரை திட்டியதாக கூறப்படுகிறது. இதனால் வாக்குவாதம் ஏற்பட்டதில், ஆட்டோவில் வந்த பிரவீன் ஆதரவாளர்களும், திமுகவை சேர்ந்த 10-க்கும் மேற்பட்டோர் மருத்துவமனை வளாகத்திலேயே அரசு மருத்துவர் மீது தாக்குதல் நடத்தியுள்ளனர்.
இதனால் படுகாயம் அடைந்த மருத்துவர் கார்த்திகேயன் அரசு மருத்துவமனையில் சிகிச்சை பெற்று வருகிறார்.
