அமெரிக்க மென்பொருள் அல்லது அதனைப் பயன்படுத்தி தயாரிக்கப்பட்ட பொருட்களைச் சீனாவிற்கு ஏற்றுமதி செய்வதைத் தடுக்கும் வகையில் கட்டுப்பாடுகளை விதிப்பது குறித்து டிரம்ப் நிர்வாகம் ஆலோசனை மேற்கொண்டு வருவதாகத் தகவல் வெளியாகியுள்ளது.
சீனாவின் அரிய கனிமங்களின் ஏற்றுமதி மீதான சமீபத்திய கட்டுப்பாடுகளுக்குப் பதிலடி கொடுக்கும் வகையில் இந்த நடவடிக்கை எடுக்கப்படுவதாகக் கூறப்படுகிறது.
இந்தத் திட்டம் அமலுக்கு வருமா என்பது தெளிவாகத் தெரியவில்லை என்றாலும், இது அமெரிக்கா-சீனா இடையிலான பதற்றங்களை மேலும் அதிகரிக்கச் செய்கிறது.
பகுப்பாய்வாளர்கள், இந்த நடவடிக்கை சீனாவின் தொழில்நுட்ப இலக்குகளுக்கு அழுத்தம் கொடுத்தாலும், அமெரிக்க நிறுவனங்களுக்கு இது எதிர்மறையான விளைவுகளை ஏற்படுத்தலாம் என எச்சரித்துள்ளனர்.
