குடும்ப தலைவிக்கு மாதம் ரூ.2000, ஆண்டுக்கு 3 விலையில்லா கேஸ் சிலிண்டர்கள் வழங்கப்படும் என தமிழக பாஜக தேர்தல் அறிக்கையில் தெரிவிக்கப்பட்டுள்ளது.
தமிழக பாஜக தேர்தல் அறிக்கையின் முக்கிய அம்சங்கள் பின்வாருமாறு :
தேசிய ஜனநாயக கூட்டணி ஆட்சிக்கு வந்தால் குடும்ப தலைவிக்கு மாதம் ரூ.2000
ஆண்டுக்கு 3 விலையில்லா கேஸ் சிலிண்டர்கள் வழங்கப்படும்
பொங்கல், தமிழ் புத்தாண்டு, தீபாவளியன்று 3 விலையில்லா கேஸ் சிலிண்டர்கள்
ஒவ்வொரு குடும்பத்திற்கும் ரூ.10,000 நிதியுதவியாக ஒருமுறை வழங்கப்படும்
தைப்பூச திருநாளை மாநில விழாவாக அறிவிப்போம்
திருப்பரங்குன்ற மலை உச்சியில் கார்த்திகை தீபம் ஏற்றும் பாரம்பரியம் மீண்டும் தொடங்கப்படும்
மாவட்டந்தோறும் தமிழ் வழியில் பயிற்சி அளிக்கும் போட்டித் தேர்வு மையங்கள் அமைக்கப்படும்
பேருந்துகள், பள்ளிகள், பல்கலைக்கழகங்களில் 100 சதவீதம் கண்காணிப்பு கேமராக்கள் அமைக்கப்படும்
மீன்பிடி தடைக்கால நிவாரணத் தொகையை ₹8,000-₹12,000-ஆக உயர்த்தி வழங்கப்படும்:
மீன்பிடி குறைநிலை காலத்திற்கான உதவித்தொகையை .5,000-.8,000 ஆக உயர்த்தப்படும்”
100 கி.மீ தொலைவிற்குள் பருத்தி அரைக்கும் ஆலைகள் நிறுவப்படும்
“மரவள்ளிக்கிழங்கு, தக்காளி, மாம்பழம், வாழை, மிளகாய் பயிர்களுக்கு சந்தை ஆதரவு விலை வழங்கப்படும்
முதன்முறை தொழில் தொடங்கும் 2,000 இளைஞர்களுக்கு 5 ஆண்டுகளுக்கு ரூ.12 லட்சம் வரை வட்டியில்லா கடன்
பிஎம் கிசான் திட்டத்தில் விவசாயிகளுக்கு ஆண்டுக்கு ரூ.9000 வழங்கப்படும்
மின்சார இருசக்கர வாகனங்கள் வாங்க தகுதியுள்ள பெண்களுக்கு .25,000 வழங்கப்படும்
கஞ்சா இல்லாத மாநிலமாக தமிழ்நாட்டை உருவாக்குவோம்
சிறப்பு போதைப்பொருள் தடுப்புப் படை பிரிவுடன் கூடிய போதைப்பொருள் ஒழிப்புத் துறை உருவாக்கப்படும்
போதைப்பொருள் கடத்தல் கும்பல்களுக்கு NDPS சட்டத்தின் கீழ் மரண தண்டனை வழங்க நடவடிக்கை
