கன்னியாகுமரி சட்டமன்ற தொகுதி அதிமுக வேட்பாளர் தளவாய் சுந்தரத்திற்கு ஆதரவாக முன்னாள் மத்திய அமைச்சர் பொன்.ராதாகிருஷ்ணன் பரப்புரை மேற்கொண்டார்.
கன்னியாகுமரி சட்டமன்ற தொகுதியில் போட்டியிடும் அதிமுக வேட்பாளர் தளவாய்சுந்தரம், தொகுதிக்குட்பட்ட அழகப்பபுரம் பகுதியில் உள்ள தேவாலயத்தில் வழிபாடு நடத்திய பின் திறந்த வாகனத்தில் பரப்புரை மேற்கொண்டார்.
அப்போது, அவருக்கு சால்வை அணிவித்தும், ஆரத்தி எடுத்தும் பொதுமக்கள் உற்சாக வரவேற்பு அளித்தனர். இதனை தொடர்ந்து, அஞ்சு கிராமம் பகுதியில் உள்ள விநாயகர் கோயில் மற்றும் காணிமடம் பகுதியில் உள்ள அய்யா வைகுண்டர் கோயிலில் சாமி தரிசனம் செய்து பக்தர்களிடம் வாக்கு சேகரித்தார். அப்போது, பாஜக முன்னாள் மத்திய அமைச்சர் பொன் ராதாகிருஷ்ணன் தளவாய் சுந்தரத்தை ஆதரித்து பரப்புரை மேற்கொண்டார்.
