தோனி வெகுவிரைவிலேயே களத்தில் இறங்கி விளையாடுவார் என சென்னை அணியின் பேட்டிங் பயிற்சியாளர் மைக் ஹசி தெரிவித்துள்ளார்.
ஐபிஎல் கிரிக்கெட் தொடரின் இன்றைய போட்டியில் சென்னை சூப்பர் கிங்ஸ் அணி, மும்பை இந்தியன்ஸ் அணியை, சென்னை சேப்பாக்கம் மைதானத்தில் எதிர்கொள்கிறது. இதுதொடர்பாக செய்தியாளர்களிடம் பேசிய சென்னை அணியின் பேட்டிங் பயிற்சியாளர் மைக் ஹசி, தோனி வேகமாக குணமடைந்து வருகிறார் எனவும் வெகுவிரைவிலேயே களத்தில் இறங்கி விளையாடுவார் என்றும் தெரிவித்தார்.
காயத்தினால் ஓடுவதில்தான் தோனி அதிகமாக பாதிக்கப்பட்டிருந்தார் எனவும் தோனியின் ஓடும் வேகம் தற்போது கொஞ்சம் அதிகரித்துள்ளதாக கூறினார். தோனியின் பேட்டிங்கிலும் விக்கெட் கீப்பிங்கிலும் எந்த பாதிப்பும் இல்லை எனவும் மைக் ஹசி தெரிவித்தார்.
