முதலமைச்சர் விஜய்யை புகழ்ந்து பேசிய அமமுக எம்எல்ஏ காமராஜை அனைத்து பொறுப்புகளில் இருந்தும் நீக்கி அக்கட்சியின் பொதுச்செயலாளர் டிடிவி தினகரன் உத்தரவிட்டுள்ளார்.
தமிழ்நாடு சட்டமன்றக் கூட்டத்தில் பேசிய அமமுக எம்எல்ஏ காமராஜ், முதலமைச்சரும், தவெக தலைவருமான விஜயை ஆதரித்து பேசினார். இந்த நிலையில் அவர் கட்சியிலிருந்து நீக்கப்படுவதாக அமமுக பொதுச்செயலாளர் டிடிவி தினகரன் அறிவித்துள்ளார்.
இது தொடர்பாக அவர் வெளியிட்டுள்ள அறிக்கையில், அமமுக மன்னார்குடி எம்எல்ஏ காமராஜ் கட்சியின் நிலைப்பாட்டினை மீறி சட்டமன்றத்தில் தன்னிச்சையாக தவெகவுக்கு தனது ஆதரவைத் தெரிவித்திருப்பது கட்சியின் குறிக்கோள்களுக்கும் கோட்பாடுகளுக்கும் முரணானது என தெரிவித்துள்ளார்.
இது மன்னார்குடி சட்டமன்றத் தொகுதி வாக்காளப் பெருமக்களுக்கு காமராஜ் இழைத்திருக்கும் மிகப்பெரிய துரோகம் எனவும் டிடிவி தினகரன் விமர்சித்துள்ளார். ஆகையால் கழகத்திற்கு களங்கம் உண்டாகும் விதத்தில் செயல்பட்ட காமராஜை அமமுக அடிப்படை உறுப்பினர் உட்பட அனைத்துப் பொறுப்புகளிலிருந்தும் நீக்குவதாகவும் டிடிடி தினகரன் கூறியுள்ளார்.
