அமெரிக்காவின் ஹூஸ்டன் மீனாட்சி அம்மன் கோயிலில் தொடங்கிய விநாயகர் சதுர்த்தி விழாவில் ஏராளமானோர் கலந்து கொண்டனர்.
டெக்சாஸ் மாகாணம் ஹூஸ்டன் நகரில் உள்ள மீனாட்சி கோயில், மதுரை மீனாட்சி அம்மன் கோயில் போன்றே கட்டப்பட்ட ஒரு முக்கிய ஆன்மிகத் தலமாகும். இந்த கோயிலில் ஆண்டுதோறும் விநாயகர் சதுர்த்தி விழா கோலாகலமாக கொண்டாடப்படும் நிலையில், இந்தாண்டு விநாயகர் சதுர்த்தி விழா பூஜையுடன் சிறப்பாக தொடங்கியது.
கோயில் வளாகத்தில் நடைபெற்ற இந்த நிகழ்வில் ஏராளமான பக்தர்கள் கலந்துகொண்டு விநாயகரின் அருளைப் பெற்றனர். வரும் நாட்களில், விநாயகர் சதுர்த்தி விழா மேலும் சிறப்பாகவும் பிரம்மாண்டமாகவும் நடைபெற உள்ளதாக விழா ஏற்பாட்டாளர்கள் தெரிவித்துள்ளனர்.
