ஈரானிய விமான நிறுவனங்களுக்கு சேவை அளிக்கும் வெளிநாட்டு நிறுவனங்கள் மீது இரண்டாம் நிலை பொருளாதாரத் தடைகள் விதிக்கப்படும் என அமெரிக்க நிதியமைச்சர் ஸ்காட் பெசென்ட் எச்சரித்துள்ளார்.
இதன் மூலம் நாளை முதல் ஈரானிய விமானங்கள் சர்வதேச பயணங்களில் இருந்து முழுமையாக விலக்கப்படலாம் அல்லது இயக்க முடியாத நிலை உருவாக்கப்படலாம் என அவர் கூறியுள்ளார்.
நாளை முதல், உலகின் எந்தப் பகுதியிலும் ஈரானிய விமானங்கள் தரையிறங்கினால், அவற்றுக்கு எரிபொருள் வழங்குவதோ, தரையிறங்குவதற்கான சேவைகளை அளிப்பதோ அல்லது பயணச்சீட்டுகளை விற்பனை செய்வதோ கூடாது என்றும் அவர் எச்சரித்துள்ளார்.
இந்த விதிகளை மீறி ஈரானிய விமானங்களுக்கு சேவை வழங்கும் விமான நிலையங்கள், எரிபொருள் நிறுவனங்கள் மீது அமெரிக்காவின் இரண்டாம் நிலை தடைகள் பாயும் என்றும், மேலும் அத்தகைய நிறுவனங்கள் அமெரிக்க டாலர் பரிவர்த்தனை அமைப்பிலிருந்து முற்றிலுமாகத் துண்டிக்கப்படும் எனவும் அவர் எச்சரிக்கை விடுத்துள்ளார்.
ஈரானுக்கு எதிரான பொருளாதார அழுத்தங்களை தீவிரப்படுத்தும் அமெரிக்க நிர்வாக நடவடிக்கைகளின் ஒரு பகுதியாக இந்த அறிவிப்பு வெளியாகியுள்ளது.
