ஜெம் வீரமணி வழக்கில் யாரையும் காப்பாற்ற எந்த உத்தரவும் திமுக ஆட்சியில் பிறப்பிக்கப்படவில்லை என அக்கட்சித் தலைவர் ஸ்டாலின் தெரிவித்துள்ளார்.
இதுகுறித்து எக்ஸ் தளத்தில் பதிவிட்டுள்ள அவர், வீரமணி வழக்கில் தொடர்புடைய அனைவரும் சட்டத்தின் முன் நிறுத்தப்பட்டு அதிகபட்ச தண்டனை பெற்றுத் தர வேண்டும் என வலியுறுத்தியுள்ளார்.
இந்த வழக்கில் தேவையே இல்லாமல் குறுகிய அரசியல் நோக்கத்துடன் திமுக மீது அவதூறுகளை பரப்பி வருவது அருவெறுப்பான செயல் என கூறியுள்ள ஸ்டாலின்,
வீரமணி வழக்கில் யாரையும் காப்பாற்ற எந்த உத்தரவும் திமுக ஆட்சியில் பிறப்பிக்கப்படவில்லை என விளக்கம் அளித்துள்ளார்.
சிறுமிகளுக்கு ஏற்பட்ட துயரத்தை இடைத்தேர்தலுக்கான கருவியாகப் பயன்படுத்தும் இழிவான செயலையும், அவதூறு பரப்புவதையும் தவெகவினர் நிறுத்திக் கொள்ள வேண்டும் என எச்சரித்துள்ள அவர்,
பாதிக்கப்பட்ட சிறுமிகளுக்கு நீதி பெற்றுத் தருவது மட்டுமே நம் அனைவரின் நோக்கமாகவும் இருக்க வேண்டும் எனவும் குறிப்பிட்டுள்ளார்…
