தமிழ் ஜனம் தொலைக்காட்சி செய்தி எதிரொலியாக, தமிழகத்தில் 936 ஆம்னி பேருந்துகளுக்கு, பல்வேறு விதிமுறைகளுடன் போக்குவரத்து துறை அனுமதி வழங்கியுள்ளது.
தவெக ஆட்சிக்கு வந்தபின், 25 கோடி ரூபாய்க்கும்மேல் இழப்பை சந்தித்துள்ளதாக, போக்குவரத்து துறை ஆணையர் சிகி தாமஸ் வைத்தியநாதனிடம், ஆம்னி பேருந்து உரிமையாளர்கள் முறையிட்டு கதறினர். இதுகுறித்த செய்தி, நமது தமிழ் ஜனம் தொலைக்காட்சியில் கடந்த 17-ம் தேதி ஒளிபரப்பானது.
இதன் எதிரொலியாக, பல்வேறு விதிமுறைகளுடன் தற்போது 691 ஆம்னி பேருந்துகளுக்கு முதல் கட்ட அனுமதியை போக்குவரத்து துறை வழங்கியுள்ளது. ஏற்கனவே முதல்கட்ட அனுமதி பெற்று வட்டாரப் போக்குவரத்து அலுவலகங்களில் பெர்மிட் பதிவுக்காக காத்திருந்த 245 ஆம்னி பேருந்துகளுக்கு இரண்டாம் கட்ட அனுமதியும் வழங்கப்பட்டுள்ளது. அந்தந்த பேருந்து உரிமையாளர்களுக்கு மெயில் மூலம் போக்குவரத்து துறை அனுமதி வழங்கியுள்ளது. இந்த நடவடிக்கை ஆம்னி பேருந்து உரிமையாளர்கள் மத்தியில் வரவேற்பைப் பெற்றுள்ளது.
