இடைத்தேர்தல் நடைபெற உள்ள மதுராந்தகத்தில் தவெக வேட்பாளரை ஆதரித்து முதலமைச்சர் விஜய் 4 மணி நேரத்திற்கும் மேலாக ரோடு ஷோ மேற்கொண்டார்.
மதுராந்தகம் தொகுதியில் தவெக சார்பில் மரகதம் குமரவேல் போட்டியிடுகிறார். அவருக்கு வாக்கு சேகரிக்க முதலமைச்சர் ஜோசப் விஜய் பிற்பகல் 2 மணிக்கு ரோடு ஷோவை தொடங்கினார். செல்லும் வழியெங்கும் இருபுறமும் தவெக தொண்டர்கள் கூடி, முதல்வர் விஜய் மீது மலர்களை தூவி உற்சாக வரவேற்பு அளித்தனர். எல்.எண்டத்தூர் பகுதியில் பிரச்சாரம் செய்ய சென்ற முதலமைச்சர் விஜய், டீ கடைக்கு சென்று டீ வாங்கி குடித்தார். அப்போது முதியவர்களுடன் கலந்துரையாடினார்.
தொடர்ந்து பிரச்சாரம் செய்த முதலமைச்சர் விஜய்க்கு பெண் ஒருவர் ஆரத்தி எடுத்தார். அப்போது, அரத்தி தட்டை வாங்கிய முதலமைச்சர் விஜய், அந்த பெண்ணுக்கும், அவரது மகளுக்கும் ஆரத்தி எடுத்தது தொண்டர்களை நெகிழ்சியடைய வைத்தது.
கழுத்தில் விசிலை தொங்கவிட்டபடி முக்கிய வீதிகள் வழியாக ரோடு ஷோ சென்று, விசில் சின்னத்திற்கு வாக்கு முதலமைச்சர் சேகரித்தார். அப்போது, வயலில் வேலை பார்த்துக்கொண்டிருந்த தொழிலாளர்களை பார்த்த முதலமைச்சர் விஜய், இறங்கி சென்று அவர்களிடம் ஆதரவு திரட்டினார்.
தொடர்ந்து, வயலில் முதலமைச்சர் விஜய் டிராக்டர் ஓட்டினார். இருட்டிய பிறகும், தொடர்ந்து ரோடு ஷோ சென்ற முதலமைச்சர் விஜய் சாலைகளில் இருபுறமும் கூடியிருந்த தொண்டர்களை பார்த்து கையசைத்தவாறு வாக்கு சேகரித்தார். 4 மணி நேரத்திற்கும் மேலாக பிரச்சாரம் செய்த முதலமைச்சர் விஜய் தன்னுடைய பரப்புரையை முடித்துக்கொண்டு சென்னை புறப்பட்டு சென்றார்.
