சென்னையில் மது இல்லா தமிழகம் என்ற புதிய இயக்கத்தை பாமக எம்எல்ஏ சௌமியா அன்புமணி தொடங்கி வைத்தார்.
காந்தி ஜெயந்தியை முன்னிட்டு தி.நகரில் உள்ள தனியார் விடுதியில் இந்த நிகழ்ச்சி நடைபெற்றது. இதில், எம்எல்ஏ சௌமியா அன்புமணி உள்ளிட்ட ஏராளமான பாமகவினர் பங்கேற்றனர். இந்த நிகழ்ச்சியில், மதுவினால் ஏற்படும் தீமைகள் குறித்த விளக்கப்படம் திரையிடப்பட்டது. அதனைத் தொடர்ந்து, மது இல்லா தமிழகம் என்ற இயக்கத்தை சௌமியா அன்புமணி தொடங்கி வைத்தார். அதன்பின் உரையாற்றிய அவர், மது உள்ளிட்ட போதைப்பொருட்களால் பெண்களுக்கு எதிரான குற்றங்கள் அதிகரித்துள்ளதாக வேதனை தெரிவித்தார்.
