தமிழகத்தில் போதைப்பொருள் பயன்பாடு அதிகரித்துள்ளதாக பாஜக மாநிலத் தலைவர் நயினார் நாகேந்திரன் குற்றம் சாட்டியுள்ளார்.
நெல்லையில் போதையால் இருண்டு கிடக்கும் தமிழகத்தை வெளிச்சத்திற்கு கொண்டு வர வலியுறுத்தி, பாஜக சார்பில் போதை ஒழிப்பு விழிப்புணர்வு பேரணி நடைபெற்றது. பாளையங்கோட்டை சித்தா கல்லூரியில் தொடங்கிய பேரணியை பாஜக மாநிலத் தலைவர் நயினார் நாகேந்திரன் தொடங்கி வைத்தார்.
போதைப்பொருள் பயன்பாட்டைத் தடுப்பது குறித்து பொதுமக்களிடையே விழிப்புணர்வு ஏற்படுத்தும் நோக்கில், இந்த பேரணிக்கு ஏற்பாடு செய்யப்பட்டிருந்தது. பின்னர் செய்தியாளர்களை சந்தித்த அவர், தமிழகத்தில் போதைப்பொருள் பயன்பாடு அதிகமாக இருப்பதாக குற்றம் சாட்டினார்.
நிறைவில் பேசிய பாஜக தேசிய சிறுபான்மையினர் அணியின் செயலாளர் வேலூர் இப்ராஹிம், தமிழகம் போதைப்பொருட்களின் மையமாக மாறி வருவதாக குற்றம்சாட்டினார். போதைப்பொருட்களால் இளைஞர்கள், மாணவர்கள் பாதிக்கப்படுவதுடன், கொலை, கொள்ளை உள்ளிட்ட குற்றங்களும் அதிகரித்து வருவதாக தெரிவித்தார்.
