தமிழக அரசியலில் பெரும் எதிர்பார்ப்புகளுக்கு மத்தியில் நடைபெறும் மதுராந்தகம் மற்றும் தாராபுரம் இடைத்தேர்தலுக்கான பரப்புரை நிறைவடைந்தது…
மதுராந்தகம், தாராபுரம் தொகுதி இடைத்தேர்தலில் தவெக, திமுக, அதிமுக, நாதக மற்றும் இடதுசாரிகள் என 5 முனை போட்டி நிலவுகிறது.
தேர்தலை முன்னிட்டு அரசியல் கட்சிகள் தீவிர வாக்கு சேகரிப்பில் ஈடுபட்டு வந்த நிலையில், தற்போது இரு தொகுதிகளிலும் பரப்புரை நிறைவடைந்துள்ளது.
நாளை மறுநாள் வாக்குப் பதிவு நடத்தப்பட்டு அக்டோபர் 9ம் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளன.
இந்நிலையில் வாக்குப்பதிவு முடியும் வரை மக்கள் பிரதிநிதித்துவச் சட்டத்தின் கீழ் பல்வேறு கட்டுப்பாடுகள் அமல்படுத்தப்பட்டுள்ளன.
அதன்படி, தோ்தல் தொடா்பான எந்தவொரு பொதுக்கூட்டத்தையோ, ஊா்வலத்தையோ யாரும் ஒருங்கிணைக்கவோ, நடத்தவோ அல்லது பங்கேற்கவோ கூடாது என உத்தரவிடப்பட்டுள்ளது.
தொகுதிக்கு தொடர்பில்லாதவர் அனைவரும் உடனடியாக தொகுதியை விட்டு வெளியேற வேண்டும் எனவும்
பரப்புரை தொடர்பான தகவல்களை தொலைக்காட்சி, ரேடியோ, வாட்ஸ்ஆப் உள்ளிட்ட ஊடகங்கள் வாயிலாகவும் வெளியிட கூடாது எனவும் தேர்தல் ஆணையம் அறிவுறுத்தியுள்ளது.
