என்னைப் பற்றி என்ன வேண்டுமானாலும் பேசுங்கள், ஆனால் சகோதரி பற்றியோ, வீட்டில் இருக்கும் அம்மா, அக்கா பற்றியோ பேசினால் சும்மா இருக்க மாட்டேன் என திமுக தலைவர் ஸ்டாலினுக்கு முதலமைச்சர் ஜோசப் விஜய் பதிலடி கொடுத்துள்ளார்.
தாராபுரத்தில் முதலமைச்சர் விஜய் ரோடு ஷோ மேற்கொண்டார். இதற்காக சென்னையிலிருந்து தனி விமானம் மூலம் கோவை சென்ற முதலமைச்சர் விஜய், அங்கிருந்து ஹெலிகாப்டரில் தாராபுரம் சென்றடைந்தார்.
தாராபுரம் மாருதிநகரில் பொதுமக்கள் மத்தியில் உரையாற்றிய முதலமைச்சர் விஜய், தேர்தல் நேரத்தில் மட்டும் மக்களை பார்க்க வரும் ஆள் நான் இல்லை என்றும் என் சொந்தங்களை எப்போது வேண்டுமானாலும் பார்ப்பேன் என்றும் கூறினார். திமுக, அதிமுகவுக்கு வாக்களிப்பது பெண்களை அவதூறாக பேசுபவர்களை ஆதரிப்பது போன்றது என்று கூறிய முதலமைச்சர், என்னை பற்றி என்ன வேண்டும் என்றாலும் பேசுங்கள், எங்கள் சகோதரிகளை பேசினால் நான் சும்மா இருக்க மாட்டேன் எனவும் எச்சரித்தார்.
தொடர்ந்து பச்சை துண்டு அணிந்து, மாட்டு வண்டி ஓட்டி பொதுமக்கள் மத்தியில் முதலமைச்சர் விஜய் வாக்குசேகரித்தார். முன்னதாக காங்கேயம் காளைகள் முன் நின்று முதலமைச்சர் விஜய் புகைப்படம் எடுத்துக் கொண்டார்.
