சிவகங்கையில், குடும்பத் தகராறில் மனைவி உட்பட 3 பெண்களை கொலை செய்த வழக்கில் குற்றவாளிக்கு 3 ஆயுள் தண்டனை விதிக்கப்பட்டுள்ளது.
சிவகங்கை மாவட்டம் மானாமதுரை அருகே உள்ள வேலூர் கிராமத்தை சேர்ந்த பாண்டித்துரை என்பவரின் மனைவி ராஜேஸ்வரி, கடந்த 2015ம் ஆண்டு கருத்து வேறுபாடு காரணமாக தனது குழந்தையுடன் தனது தாய் தனபாக்கியத்துடன் வசித்து வந்துள்ளார். இந்நிலையில், குழந்தையை பார்க்க ராஜேஸ்வரி வீட்டிற்கு சென்றபோது பாண்டித்துரைக்கும், ராஜேஸ்வரிக்கும் தகராறு ஏற்பட்டுள்ளது. இதில் ஆத்திரமடைந்த பாண்டித்துரை, தனது மனைவி ராஜேஸ்வரி, மாமியார் தனபாக்கியம் மற்றும் தனபாக்கியத்தின் தாயார் ஆறுமுகம் ஆகியோரை சராமாரியாக வெட்டிக் கொன்ற நிலையில் அவரை போலீசார் கைது செய்தனர். இதுகுறித்த வழக்கை விசாரித்த மாவட்ட கூடுதல் அமர்வு நீதிமன்றம், பாண்டித்துரைக்கு 3 ஆயுள் தண்டனையும், 75 ஆயிரம் ரூபாய் அபராதமும் விதித்துள்ளது.
