சென்னை தலைமைச் செயலகத்தில் செய்தியாளர்களிடம் பேசிய திமுக துணை அமைப்புச் செயலாளர் ஆஸ்டின், தாராபுரம் தவெக வேட்பாளர் சத்தியபாமா, இடைத்தேர்தலில் அமைச்சர்கள் விடுதியில் தங்குவதற்கு மட்டும் 14 லட்சம் ரூபாய் செலவு செய்துள்ளதாக கூறிய ஒரு வீடியோ வெளியாகியிருப்பதாக தெரிவித்துள்ளார்.
இதுதொடர்பாக தலைமை தேர்தல் அதிகாரியிடம் புகார் அளித்துள்ளதாகவும், இந்த 14 லட்சம் ரூபாய் சத்தியபாமாவின் கணக்கில் காட்டப்பட்டுள்ளதா என்பதை ஆய்வு செய்ய வேண்டும் என்று வலியுறுத்தியுள்ளதாகவும் கூறியுள்ளார்.
வங்கி மூலம் இந்த 14 லட்சம் ரூபாய் அளிக்கப்பட்டுள்ளதா என்பதை கண்காணிக்க வேண்டும் என்று தெரிவித்துள்ளதாகவும் ஆஸ்டின் குறிப்பிட்டுள்ளார்.
செலவு கணக்கு மற்றும் வங்கியில் இருந்து இந்த 14 லட்சம் ரூபாய் அளிக்கப்படவில்லை என்றால், சத்தியபாமா மீது உடனடியாக நடவடிக்கை எடுக்க வேண்டும் என்றும் வலியுறுத்தியுள்ளார்.
தாராபுரம் இடைத்தேர்தலில் மிகப்பெரிய அத்துமீறல் நடைபெறுவதாகவும், காமாட்சி விளக்கு, புடவை கொடுத்தது தொடர்பாக புகார் அளித்துள்ளதாகவும் திமுக துணை அமைப்புச் செயலாளர் ஆஸ்டின் தெரிவித்துள்ளார்.
