டெல்லியில் காங்கிரஸ் போராட்டத்தின்போது, செய்தி சேகரிக்கச் சென்ற கர்ப்பிணி பெண் செய்தியாளரை ராகுல் காந்தி கீழே தள்ளிவிட்டதாக பாஜக குற்றம்சாட்டியுள்ளது.
டெல்லியில் எதிர்க்கட்சித் தலைவர் ராகுல் காந்தி தலைமையில் காங்கிரஸ் கட்சியினர் போராட்டத்தில் ஈடுபட்டனர். அப்போது, செய்தி சேகரிக்கச் சென்ற கர்ப்பிணி பெண் செய்தியாளர், ராகுல் காந்தியிடம் கேள்வி கேட்க முயன்றதாகக் கூறப்படுகிறது.
அப்போது அவர் முழங்கையால் தாக்கிக் கீழே தள்ளியதாகப் புகார் எழுந்துள்ளது. இதில் காயமடைந்த பெண் செய்தியாளர் மருத்துவமனையில் அனுமதிக்கப்பட்டதாகத் தெரிவிக்கப்பட்டுள்ளது. அவரை பாஜக செய்தித் தொடர்பாளர் பிரதீப் பண்டாரி மற்றும் டெல்லி பாஜக துணைத் தலைவர் ராஜேஷ் பாட்டியா ஆகியோர் நேரில் சந்தித்து நலம் விசாரித்தனர்.
அப்போது பேசிய அவர்கள், மக்கள் பிரதிநிதிகள் செய்தியாளர்களின் கேள்விகளுக்குப் பதிலளிக்க வேண்டுமே தவிர, வன்முறையில் ஈடுபடக் கூடாது எனத் தெரிவித்தனர்.
