முதன் முதலில் நிலவுக்கு மனிதர்களை அனுப்பி சாதனை படைத்த அமெரிக்கா, அடுத்த கட்டமாக செவ்வாய் கிரகத்துக்கும் மனிதர்களை அனுப்பத் திட்டமிட்டுள்ளது. ‘நாசா’வின் இந்த புதிய திட்டத்திற்குத் தலைவராக இந்திய வம்சாவளியைச் சேர்ந்த பொறியாளர் ஷாக்ட்ரியா நியமிக்கப்பட்டுள்ளார்.
அமெரிக்காவின் விண்வெளி ஆய்வு மையமான நாசா, நிலவில் மனிதன் நீண்ட காலம் தங்கியிருந்து ஆய்வு மேற்கொள்ளும் திட்டத்தை செயல்படுத்தியது. மனிதர்களை முதன்முதலில் நிலவுக்கு அனுப்பியது போல், செவ்வாய் கிரகத்துக்கும் மனிதர்களை அனுப்பும் திட்டத்தையும் செயல்படுத்துவது குறித்து நாசா ஆய்வு செய்து வருகிறது.
இது நாசாவின் பெருமைக்குரிய மற்றும் எதிர்பார்ப்பு நிறைந்த திட்டங்களில் ஒன்றாகும். இத்திட்டத்தின் தலைவராக இந்திய வம்சாவளியைச் சேர்ந்த ஷாக்ட்ரியா நியமிக்கப்பட்டுள்ளார். இவர் முதலில் மென்பொருள் பொறியாளராகவும், தொடர்ந்து ‘ரோபாட்டிக்’ பொறியாளராகவும் பணியாற்றினார். பின்னர், சர்வதேச விண்வெளி ஆய்வு மையத்துக்கான விண்கல ஆப்ரேட்டர் உள்ளிட்ட பல்வேறு பணிகளில் வேலை செய்த அனுபவம் உள்ளவர்.
