திருநெல்வேலி, தென்காசி, தூத்துக்குடி, கன்னியாகுமரி, விருதுநகர் மாவட்டங்களில் ஏற்பட்டுள்ள தொடர் மழை, வெள்ளம் காரணமாக இரயில் பாதையில் கடும் பாதிப்பு ஏற்பட்டுள்ளது. இதனால், பல இரயில்கள் முழுமையாகவும், ஒரு சில இரயில்கள் பகுதியாகவும் இரத்து செய்யப்படுள்ளன.
இது தொடர்பாக, தெற்கு இரயில்வே வெளியிட்டுள்ள அறிவிப்பில், டிச.18-ம் தேதியான திங்கட்கிழமை அன்று இயக்கப்பட வேண்டிய முன்பதிவில்லாத சிறப்பு இரயில் அனைத்தும் இரத்து செய்யப்பட்டுள்ளது.
வாஞ்சி மணியாச்சி – திருச்செந்தூர் – வாஞ்சி மணியாச்சி முன்பதிவில்லாத சிறப்பு இரயில் இரத்து செய்யப்பட்டுள்ளது.டிச.18 -ம் தேதி திருநெல்வேலியில் இருந்து புறப்பட வேண்டிய ஸ்ரீவைஷ்ணவி கட்ரா எக்ஸ்பிரஸ் இரயில், மறு மார்க்கத்தில் டிசம்பர் 21 -ம் தேதி அன்று ஸ்ரீவைஷ்ணவி கட்ரா இரயில் நிலையத்திலிருந்து புறப்பட வேண்டிய திருநெல்வேலி எக்ஸ்பிரஸ் இரயில் இரத்து செய்யப்பட்டுள்ளது.
அதேபோல, 18 -ம் தேதி இயக்கப்பட வேண்டிய திருநெல்வேலி – பாலக்காடு பாலருவி எக்ஸ்பிரஸ் மற்றும் கன்னியாகுமரி – புதுச்சேரி வாராந்திர எக்ஸ்பிரஸ் இரயில், திருவனந்தபுரம் – திருச்சி இண்டர் சிட்டி எக்ஸ்பிரஸ் இரயில் ஆகியவை இரத்து செய்யப்பட்டுள்ளது.
மேலும், 18 -ம் தேதி நாகர்கோவில் – கோயம்புத்தூர் இரவு நேர எக்ஸ்பிரஸ் நாகர்கோவில், மற்றும் கன்னியாகுமரி – சென்னை எக்ஸ்பிரஸ், மதுரையிலிருந்து இயக்கப்பட்டது. நாகர்கோவில் – தாம்பரம் எக்ஸ்பிரஸ் இரயில், நாகர்கோவில் – பெங்களூர் எக்ஸ்பிரஸ் இரயில், திருநெல்வேலி – தாதர் எக்ஸ்பிரஸ் இரயில், தூத்துக்குடி – மைசூர் எக்ஸ்பிரஸ் இரயில், திருச்செந்தூர் – சென்னை செந்தூர் எக்ஸ்பிரஸ் இரயில், திருநெல்வேலி சென்னை நெல்லை எக்ஸ்பிரஸ் இரயில், தூத்துக்குடி சென்னை முத்துநகர் எக்ஸ்பிரஸ் இரயில் ஆகியவை மதுரையில் இருந்து இயக்கப்பட்டது.
நாகர்கோவில் – கோயம்புத்தூர் பகல் நேர எக்ஸ்பிரஸ் இரயில், மற்றும் கொல்லம் – சென்னை அனந்தபுரி எக்ஸ்பிரஸ் திண்டுக்கல் இருந்தும், திருநெல்வேலி – ஜாம்நகர் எக்ஸ்பிரஸ் திருவனந்தபுரத்திலிருந்து இயக்கப்படும். மேலும், செங்கோட்டை – தாம்பரம் இரயில் ராஜபாளையம், விருதுநகர், மானாமதுரை வழியாக மாற்றுப்பாதையில் இயக்கப்படும் என தெரிவிக்கப்பட்டுள்ளது.
