சேலத்தில் கடைக்குள் புகுந்து செல்போனை திருடும் இளைஞர்!

சேலத்தில் செல்போன் கடைக்குள் புகுந்து பணம் மற்றும் செல்போனை திருடும் இளைஞரின் சிசிடிவி காட்சி வெளியாகியுள்ளது.

சேலம் டவுன் பகுதியில் குருமூர்த்தி என்பவர் செல்போன் பழுதுபார்க்கும் கடை வைத்து நடத்தி வருகிறார்.

இந்நிலையில் குருமூர்த்தி இல்லாத வேளையில் கடைக்குள் புகுந்த இளைஞர் கடையில் இருந்த 15 ஆயிரம் ரூபாய் பணம் மற்றும் செல்போன் ஒன்றை திருடிச் சென்றார்.

இதுகுறித்து குருமூர்த்தி புகாரளித்த நிலையில் கொள்ளையனை போலீசார் தேடி வருகின்றனர்.