பள்ளத்தில் கவிழ்ந்த பேருந்து – 36 பேர் உயிரிழந்த சோகம்!

உத்தரகாண்ட் மாநிலம் அல்மோராவில் நிகழ்ந்த பேருந்து விபத்தில் 36 பேர் உயிரிழந்தனர். மேலும் பலர் காயமடைந்துள்ளதாக தகவல்கள் வெளியாகியுள்ளது.

மார்சுலா அடுத்த அல்மோரா பகுதியில் 50-க்கும் மேற்பட்ட பயணிகளுடன் பயணிகள் பேருந்து சென்றுகொண்டிருந்தது. அப்போது ஓட்டுநரின் கட்டுப்பாட்டை இழந்த பேருந்து பள்ளத்தில் கவிழ்ந்து விபத்துக்குள்ளானது.

தகவலறிந்த மீட்புக் குழுவினர் சம்பவ இடத்திற்கு சென்று மீட்பு பணியில் ஈடுபட்டனர். விபத்தில் படுகாயமடைந்த பயணிகள் மீட்கப்பட்டு மருத்துவமனையில் அனுமதிக்கப்பட்டனர்.

இந்நிலையில் பேருந்து விபத்தில் 36 பேர் உயிரிழந்துள்ளதாகவும், 19-க்கும் மேற்பட்டோர் காயமடைந்துள்ளதாகவும் தகவல் வெளியாகியுள்ளது.