சென்னை மீனம்பாக்கம் விமான நிலையம் அருகே கட்டுப்பாட்டை இழந்த கார் இருசக்கர வாகனங்கள் மீது மோதி விபத்துக்குள்ளானது.
ராயப்பேட்டையை சேர்ந்த மிசாப் சைதர், தனியார் கல்லூரியில் படித்து வருகிறார். இவர் தனது நண்பர்களுடன் காரில் சென்று கொண்டிருந்தார். மீனம்பாக்கம் விமான நிலையம் அருகே மேம்பாலத்தில் சென்றபோது கட்டுப்பாட்டை இழந்த கார், முன்னால் சென்றுகொண்டிருந்த இருசக்கர வாகனங்கள் மீது மோதி கவிழ்ந்தது.
இதில் இருசக்கர வாகனத்தில் சென்ற ராஜ் என்பவர் படுகாயமடைந்தார். இதுகுறித்து தகவலறிந்த போலீசார் சம்பவம் குறித்து விசாரணை மேற்கொண்டு வருகின்றனர்.
