திருச்சி மாவட்டம் துவரங்குறிச்சி அருகே இறந்துவிட்டதாக கருதி மயானத்திற்கு கொண்டு செல்லப்பட்ட மூதாட்டி திடீரென கண் விழித்த சம்பவம் அரங்கேறியுள்ளது.
வேலக்குறிச்சி எஸ்.மேட்டுப்பட்டியை சேர்ந்த சின்னம்மாள், வயது மூப்பு காரணமாக உடல்நிலை பாதிக்கப்பட்டு மணப்பாறையில் உள்ள தனியார் மருத்துவமனையில் சிகிச்சை பெற்று வந்தார். இந்நிலையில் அவரது உடல்நிலை மிகவும் மோசமானதால் உறவினர்கள் அவரை வீட்டுக்கு அழைத்து வந்தனர்.
இதனையடுத்து சின்னம்மாள் எவ்வித அசைவுமின்றி இருப்பதை கண்ட உறவினர்கள், இறந்துவிட்டதாக கருதி அடக்கம் செய்வதற்காக மயானத்திற்கு கொண்டு சென்றனர்.
இறுதி சடங்கின்போது சின்னாம்மாள் திடீரென கண்விழித்ததை கண்டு திடுக்கிட்ட உறவினர்கள் செய்வதறியாது திகைத்தனர். பின்னர் அவரை சிகிச்சைக்காக திருச்சி அரசு மருத்துவமனையில் அனுமதித்தனர்.
