நெல்லையில் கொட்டித்தீர்த்த மழை – சாலைகளில் குளம்போல் தேங்கிய நீர்!

நெல்லையில் கொட்டித்தீர்த்த கனமழையால் பொதுமக்களின் இயல்பு வாழ்க்கை கடுமையாக பாதிக்கப்பட்டது.

நெல்லை மாவட்டத்திற்கு மிக கனமழைக்கான ரெட் அலர்ட் விடுக்கப்பட்டுள்ள நிலையில், பாளையங்கோட்டை, வண்ணாரப்பேட்டை, சமாதானபுரம் பெருமாள்புரம் பேட்டை உள்ளிட்ட பகுதியில் பலத்த மழை பெய்தது.

நெல்லை மாவட்டத்தில் அதிகபட்சமாக அம்பாசமுத்திரத்தில் 6 சென்டிமீட்டர் மழை பதிவானது.  கனமழை காரணமாக நெல்லையின் சாலைகளில் மழைநீர் குளம் போல் தேங்கியது. இதனால் வாகன ஓட்டிகள் கடும் அவதியடைந்தனர். மேலும், சாலைகளில் பயணிக்க முடியாமல் பொதுமக்களும் அவதியடைந்தனர்.