2026 தேர்தலில், திமுக மிகப்பெரிய தோல்வியை சந்திக்கும் என மத்திய அமைச்சர் எல்.முருகன் தெரிவித்துள்ளார்.
நாமக்கல் ஆஞ்சநேயர் கோயிலில் மத்திய அமைச்சர் எல்.முருகன் சாமி தரிசனம் செய்தார். இதைத் தொடர்ந்து மோகனூர் சாலையில் உள்ள நமோ இலவச போட்டித்தேர்வு பயிற்சி மையத்தில் மாணவர்களுடன் எல்.முருகன் கலந்துரையாடினார்.
பின்னர் செய்தியாளர்களை சந்தித்த அவர், நீட் தேர்வு விவகாரத்தில் திமுக போலி நாடகம் நடத்தி வருவதாக குற்றம்சாட்டினார். 2026 சட்டமன்ற தேர்தலில் திமுக மிகப்பெரிய தோல்வியை சந்திக்கும் என தெரிவித்த அவர், தமிழகத்தில் தேசிய ஜனநாயக கூட்டணி பெரும்பான்மையுடன் ஆட்சி அமைக்கும் என கூறினார்
