தஞ்சையில் நடந்த த.வெ.க கூட்டத்தில் பாஸ் இன்றி தடுப்புகளை உடைத்துக்கொண்டு ஓடிச்சென்ற த.வெ.க தொண்டர்கள், அதைத்தடுத்த காவலர்களுடன் கடும் வாக்குவாதத்தில் ஈடுபட்டனர்.
தஞ்சையில் விஜய் பங்கேற்ற த.வெ.க நிர்வாகிகள் சந்திப்பு கூட்டத்திற்காக, நிர்வாகிகள் மற்றும் தொண்டர்களுக்கு சுமார் 5 ஆயிரம் பாஸ் வழங்கப்பட்டதாக கூறப்படுகிறது.
கூட்டம் நடைபெற்ற இடத்திற்கு போலீசார் பாஸ் வைத்திருப்பவர்களை சரி பார்த்து அனுப்பி கொண்டிருந்தனர்.
பாஸ் இல்லாமல் பலர் வெளியே நின்று கொண்டிருந்த நிலையில், போலீசாரின் தடுப்புகளை தாண்டி முண்டியடித்து, கூட்டம் நடந்த இடத்திற்கு ஓடிச் சென்றனர்.
அப்போது அவர்களை தடுத்த காவலர்களுடன் த.வெ.க தொண்டர்கள் வாக்குவாதத்தில் ஈடுபட்டனர்.
