தமிழகத்திற்கு மத்திய அரசு ஒதுக்கும் திட்டங்களுக்கான நிதியில் திமுக அரசு முறைகேடு – நிதின் நபின்

தமிழகத்திற்கு மத்திய அரசு ஒதுக்கும் திட்டங்களுக்கான நிதியில் திமுக அரசு முறைகேடு  செய்வதாக பாஜக தேசிய தலைவர் நிதின் நபின் கடுமையாக விமர்சித்துள்ளார்.

புதுக்கோட்டை பாஜக வேட்பாளர் ராமச்சந்திரன் மற்றும் அறந்தாங்கி பாஜக வேட்பாளர் கவிதா ஸ்ரீகாந்த் ஆகியோரை ஆதரித்து அறந்தாங்கியில் பிரச்சார கூட்டம் நடைபெற்றது. இந்த கூட்டத்தில் பாஜக தேசிய தலைவர் நிதின் நபின் சிறப்பு விருந்தினராக கலந்து கொண்டு கவிதா ஸ்ரீகாந்திற்கும், ராமச்சந்திரனுக்கும் வாக்கு சேகரித்தார்.

பிரச்சார கூட்டத்தில் பேசிய அவர், பிரதமர் மோடி ஏழை மக்களுக்கும், விவசாயிகளுக்கும் பல்வேறு திட்டங்களை செயல்படுத்தி வருவதாகக் கூறினார். மேலும், ஜல் ஜீவன் திட்டத்திற்காக மத்திய அரசு வழங்கிய நிதியை திமுக அரசு கொள்ளையடித்துவிட்டதாகவும் குற்றம் சாட்டினார்.