சென்னை சைதாப்பேட்டையில் தவெக நிர்வாகியை திமுக நிர்வாகிகள் தாக்கிய வீடியோ வெளியாகியுள்ளது.
சைதாப்பேட்டை தொகுதிக்கு உட்பட்ட 46-வது வாக்குச்சாவடியில் தேர்தல் பணிகள் குறித்து தவெக வழக்கறிஞர் அணி நிர்வாகி செந்தமிழ் செல்வன் ஆய்வு செய்து கொண்டிருந்தார். அப்போது அங்கிருந்த திமுகவினருக்கும் அவருக்கும் இடையே வாக்குவாதம் ஏற்பட்டுள்ளது.
இதனையடுத்து, அந்தத் தொகுதியின் திமுக வேட்பாளரும் அமைச்சருமான மா.சுப்பிரமணியன் முன்னிலையில், திமுக தொண்டர்கள், தவெக வழக்கறிஞர் செந்தமிழ் செல்வனைச் சூழ்ந்துகொண்டு சரமாரியாகத் தாக்கினர். இது குறித்த காட்சி சமூக வலைதளங்களில் வெளியாகியுள்ளது.
