பராசக்தி படத்திற்கான சம்பள பாக்கி 8 கோடியே 39 லட்சம் ரூபாயை வழங்க தயாரிப்பு நிறுவனத்துக்கு உத்தரவிட கோரி சென்னை உயர்நீதிமன்றத்தில் இயக்குநர் சுதா கொங்குரா வழக்கு தொடர்ந்துள்ளார்.
நடிகர் சிவகார்த்திகேயன் நடிப்பில் இயக்குநர் சுதா கொங்குரா இயக்கத்தில், டான் பிக்சர்ஸ் நிறுவனம் தயாரித்த பரசாக்தி திரைப்படம் கடந்த ஜனவரி 9ஆம் தேதி வெளியானது.
படத்தை இயக்கிய சுதா கொங்குராவிற்கு 8 கோடியே 39 லட்சம் ரூபாய் ஊதிய பாக்கி வைத்துள்ளதாக இயக்குநர் சுதா கொங்குரா சென்னை உயர்நீதிமன்றத்தில் வழக்கு தாக்கல் செய்துள்ளார்.
அந்த மனுவில், டான் பிக்சர்ஸ் நிறுவனம் தயாரித்துள்ள இதயம் முரளி படத்தை வெளியிட தடை விதிக்க வேண்டும் என்றும், பராசக்தி படத்தின் உரிமையை மூன்றாம் நபருக்கு வழங்க தடை விதிக்க வேண்டும் எனவும் தெரிவிக்கப்பட்டுள்ளது.
பராசக்தி படத்தை OTT, தொலைக்காட்சி உரிமம் வழங்கியதன் மூலம் கிடைத்த வருமானத்தின் முழு விவரங்களையும் நீதிமன்றத்தில் சமர்ப்பிக்க உத்தரவிட வேண்டும் எனவும் கோரிக்கை விடுக்கப்பட்டுள்ளது.
இந்த வழக்கை விசாரித்த நீதிபதி குமரேஷ் பாபு, மனுவிற்கு ஜூலை 8ஆம் தேதிக்குள் தயாரிப்பு நிறுவனம் பதிலளிக்க வேண்டும் உத்தரவிட்டுள்ளார்.
