பாரிஸில் நடைபெறும் TOP RESA-2026 சர்வதேச சுற்றுலா கண்காட்சியில், தமிழ்நாடு சுற்றுலா அரங்கை அமைச்சர் ராஜேஷ்குமார் திறந்து வைத்தார்.
பிரான்ஸ் தலைநகர் பாரிஸில் TOP RESA-2026 சர்வதேச சுற்றுலா கண்காட்சி தொடங்கியது. இதில் தமிழ்நாடு அரசு சார்பில் அமைக்கப்பட்டுள்ள அரங்கில், தமிழகத்தின் வரலாறு, பண்பாடு, பாரம்பரியம், இயற்கை வளங்கள், ஆன்மிகத் தலங்கள், கலை, கலாச்சாரம், பாரம்பரிய உணவு மற்றும் நல்வாழ்வுச் சுற்றுலா உள்ளிட்ட சிறப்பம்சங்கள் காட்சிப்படுத்தப்பட்டுள்ளன. சோழர் கால வாழும் பாரம்பரியம், கிராமியக் கலைகள், பாரம்பரிய உணவுகள் மற்றும் சித்த மருத்துவம் உள்ளிட்ட தமிழ்நாட்டின் தனிச்சிறப்புகளை உலகிற்கு அறிமுகப்படுத்தும் வகையில் அரங்கம் அமைக்கப்பட்டுள்ளது. இதனை சுற்றுலாத்துறை அமைச்சர் ராஜேஷ்குமார் திறந்து வைத்தார். பிரான்ஸ் மற்றும் ஐரோப்பிய சந்தைகளில் தமிழ்நாட்டின் சுற்றுலா வளங்களை மேலும் அறிமுகப்படுத்துவதுடன், சர்வதேச சுற்றுலாப் பயணிகளின் வருகையை அதிகரிக்க இந்தக் கண்காட்சி வாய்ப்பாக அமையும் என சுற்றுலாத்துறை தெரிவித்துள்ளது.
