திருவண்ணாமலையில் திமுக எம்.பி. அண்ணாதுரை வீடுகளில் லஞ்ச ஒழிப்புத்துறையினர் சோதனை மேற்கொண்டு வருகின்றனர்.
சமீபகாலமாக திமுகவை சேர்ந்த முன்னாள் அமைச்சர்கள், முக்கிய பிரமுகர்கள் தொடர்புடைய இடங்களில் லஞ்ச ஒழிப்பு துறையினர் மற்றும் வருமான வரித்துறையினர் சோதனை மேற்கொண்டு வருகின்றனர்.
இந்நிலையில், திருவண்ணாமலை திமுக எம்.பி. சி.என்.அண்ணாதுரை வீடுகளில் லஞ்ச ஒழிப்புத்துறையினர் சோதனை நடத்தி வருகின்றனர்.
திருவண்ணாமலை மாவட்டம், தேவனாம்பட்டு கிராமத்தில் உள்ள எம்.பி.யின் வீட்டிலும், வேங்கிக்கால் பகுதியில் உள்ள மற்றொரு வீட்டிலும் அதிகாரிகள் சோதனை மேற்கொண்டு வருகின்றனர்.
திமுக ஆட்சியில் நெடுஞ்சாலைத்துறை மூலம் ஒப்பந்தம் எடுத்து பல்வேறு பணிகளில் அண்ணாதுரை முறைகேட்டில் ஈடுபட்டதாக எழுந்த புகாரின் அடிப்படையில் சோதனை மேற்கொள்வதாக லஞ்ச ஒழிப்புத்துறை அதிகாரிகள் தெரிவித்துள்ளனர்.
