திருமணத்தைப் பற்றி பேசாமல் பெற்றோர் ஊக்கம் அளித்ததால் தன்னால் சாதிக்க முடிந்ததாக ஆசிய விளையாட்டில் 3 பதக்கங்களை வென்ற கோவை தடகள வீராங்கனை வித்யா ராம்ராஜ் நெகிழ்ச்சியுடன் கூறியுள்ளார்.
தமிழ் ஜனம் தொலைக்காட்சிக்கு அவர் அளித்த பேட்டியில், தமிழக அரசு, பயிற்சியாளர்கள், உள்ளிட்டோருக்கு நன்றி தெரிவித்தார்.
எல்லாவற்றுக்கும் எனது பெற்றோர் உறுதுணையாக இருந்தனர் என்றும், 28 வயதாகியும் திருமணத்தைப் பற்றி பெற்றோர் பேசவில்லை என்றும் அவர் கூறினார்.
உனக்கு பிடித்ததை செய், முடியும் என பெற்றோர் தன்னம்பிக்கை கொடுத்தனர் என்றும், தமிழக அரசு தமக்கு எண்ணற்ற உதவிகள் செய்ததாகவும் அவர் குறிப்பிட்டார்.
பெண்கள் அனைவரும் முயற்சி செய்ய வேண்டும் என்றும், 100% உழைப்பை விதைத்தால் வருங்காலத்தில் பலன் கிடைக்கும் என்றும் வித்யா ராம்ராஜ் குறிப்பிட்டார்.
